UBT

Kamenica shënon ditën e çlirimit

/ 2 minuta lexim

Gjilan – Nën patronatin e Kryetarit të komunës së Kamenicës Shaip Surdullit,organizuar nga Drejtoria e Kulturës, Rini dhe Sportit, ka filluar manifestimi i 18 Qershorit- Ditës së Çlirimit të Kamenicës.

Manifestimet për ditën e çlirimit të komunës së Kamenicës, kanë filluar me homazhe në varrezat e dëshmorëve. Kryetari i komunës së Kamenicës Surdulli me bashkëpunëtorë kanë vendosur kurora tek varrezat e dëshmorëve si dhe tek lapidari i vëllezërve Krivaqa dhe Agush Isufi.

Hidromorava

Surdulli me këtë rast ka thënë se dëshmorët meritojnë respektin më të madh institucional e kombëtarë.”Kamenica ndihet krenare që po shënon këtë ngjarje të madhe .Ne po punojmë që të realizojmë objektivat tona,por edhe që të respektojmë amanetin e dëshmorëve për një qytet me vlera dhe të arritura”ka thënë Surdulli.

Ndryshe dita e çlirimit në Kamenicë ka vazhduar me aktivitete kulturore e sportive. Për nder të ditës së çlirimit janë paraparë të luhen ndeshjet futbollistike K.F.Dardana – “Policia e Kosovës”, pastaj promovimi i librit të Basri Musmuratit “Qëndrestarët “ , ekspozitë me fotografi ,si dhe në mbrëmje është paraparë manifestimi qendror ku do të mbahet një koncert muzikor./rajonipress/