Kaltrina: Koncertet, fitimi i vetëm

Vera e Kaltrina Selimit ka qenë e mbushur me koncerte, ndërsa ajo ka publikuar edhe një këngë të re.

Duket se më në fund këtë verë, ajo ka vendosur që pas dy vitesh pune intensive, t’i japë vetes disa ditë pushimi.
Këngëtarja vlerëson së është një kënaqësi e madhe kur ke ftesa nga vende të ndryshme e sidomos kur je pranë fansave, ndërsa është selektive në përzgjedhjen e ofertave.

Duke folur për mediat shqiptare, Kaltrina ka folur edhe për çmimin e koncerteve në verë.
“Unë gjithmonë e kam çmimin e njëjtë dhe mendoj që kam një çmim shumë real,” ka thënë ajo për GSH.
Ndërsa nuk ka pëlqyer të komentojë nëse janë të vërteta shifrat që kanë hedhur në tavolinë kolegët e saj, në vlera prej 2500-3000 euro për një koncert, duke thënë: “Kjo është paska private dhe nuk më takon të flas për çmimet e të tjerëve.”

Tutje, ajo ka theksuar se për realizimin e një kënge dhe një klipi shpenzimet janë goxha të mëdha, ndërsa nuk përfiton asgjë në këmbim të kësaj, as nga produksionet. Fitimi i tyre i vetëm, sipas Kaltrinës, është tek koncertet që mbajnë.