Kajtazi: Demokracia në Gjilan është lënduar

Gjilan – Lirije Kajtazi kryetare e Forumit të Gruas në nivel Kosove ka thënë në një konferencë për medie në Gjilan se në vazhdimësi LDK-ja ofron alternativa për korrigjim të qeverisjes së keqe që po udhëhiqet në Gjilan, ku demokracia ka mbetur vetëm si shprehje e cila është lënduar që nga dita e zgjedhjeve kur kjo klasë ka ardhur në pushtet prandaj nuk është e habitshme që ajo fare nuk respektohet.

Kajtazi tha se kësaj udhëheqje nuk i nevojiten as këshilli i ekspertëve as komitetet si trupa profesionale ngase prenë dhe qep vetë dhe politikat lokale atrofohen në mendësi partiake e cila ja zë frymën qytetarit me diskriminimin që i bëhet atij në çdo vend.

“Arsimi është i dëmtuar skajshëm nga politika, prioritetet në projekte nxirren nga vjelja e përqindjes që mund të kapet nga ato e jo nga ajo që është e nevojshme për qytetarin, shpenzohen mjetet në punë jo kualitative, siç është rasti me lumin Mirusha ku shpenzohem miliona pa u kryer as gjysma e punës siç e kemi theksuar edhe më herët në konferencat tona. Përqendrimi i kësaj qeverisjeje është në mbushjen e buxhetit ku barrën kryesore ja hedh qytetarit pa menduar asnjëherë se a i përkthehet kjo në mirëqenie ( projekte), ka thënë Kajtazi.

Ajo tha se ka mjaftë defekte edhe nga niveli i lartë , ku ne mendojmë se duhet korrigjuar formula për ndarje të grandeve duke u nisur nga formula për arsimin, shëndetësinë etj.

“Formulën e ndarjes së grandeve për komunat e prishë niveli qendror me disponimin e vet politik. Do të ishte shumë esenciale të krijohet një fond i veçantë i cili do të shpërblente komunat që kanë përdorur drejtë paratë. Ne i kuptojmë shqetësimet e partisë në pushtet si në nivel qendror ashtu edhe në atë lokal që kanë me Ligjin, ku afër 50 zyrtarë të lartë kanë të ngritura aktakuza që e frikëson shumë qytetarin të cilin e bënë edhe shumë të pasigurt dhe njëkohësisht i bën një atak vetë shtetit të Kosovës” ka përkujtuar Kajtazi.

Sipas aj sot në fokus kemi politikat gjinore çka mbetet shumë të korrigjohet kjo keqqeverisje e cila përkundër potencialit të madh të grave nuk ofron hapësirën që njëherit është edhe detyrim ligjor.”Tani është koha e përpilimit të buxhetit në nivele lokale, kërkohet shumë vëmendje për buxhetin gjinor , por njëkohësisht edhe pjesëmarrje të grave në dëgjim të buxhetit ku ato mundë të japin kontributin direkt. Siç mundë të ndihmojnë shumë edhe në përpilim të rregulloreve nga se thuaja e gjitha është politikë lokale. Nuk është investim në politikat gjinore një darkë apo një shëtitje jashtë vendit që organizohet në emër të aktiviteteve, ndërsa sa i përket pozitave vendimmarrëse pozita e gruas vazhdimisht diskriminohet”.

Kajatzi tha se LDK do tu ndihmojë grave ndërmarrëse në aplikimin për fonde të ndryshme në mënyrë që të përmirësohet pozita ekonomike e tyre, si dhe do të kërkojë që të respektohet Ligji për barazi gjinore në organet ekzekutive./rajonipress/