Kadriu realizon projektin e 36-të në ndihmë të qytetarëve

Gjilan – Kryetari i AAK-së Rexhep Kadriu, të martën ka përfunduar projektin e tij të 36-të në ndihmë qytetarëve të Gjilanit. Ai ka qëndruar në lagjen Arbëria në Gjilan, me ç’rast kanë nisur punimet për rregullimin e rrugës “Arben Ramadani”, punime këto që kanë përfunduar me vet angazhimin e banorëve të lagjes.

Shukri Shkodra dhe Afiz Kërqeli, banorë të kësaj lagje kanë thënë se e falënderojnë kryetarin Kadriu për kontributin e tij, ndërsa i kanë uruar fitoren më 3 nëntor, duke thënë se njeriu me punë e dëshmon veten dhe se këtë kryetari Kadriu po e dëshmon çdo ditë.

Ndërkaq, kryetari Kadriu ka thënë se ai nuk do të ndalet dhe se me mundësitë e tij do ti ndihmojë të gjithëve pa dallim.

Kryetari Kadriu në këtë aktivitet është shoqëruar nga sekretari i përgjithshëm i AAK-së në Gjilan Nazim Gagica si dhe kandidati për këshilltar komunal Halil Shala thuhet në njoftimin e degës së AAK-së në Gjilan./rajonipress/