Azem Syla viziton Thaçin e Veselin, në Hagë: Ishin mirë me shëndet e kurajo, e vërteta është në anën e tyre

Komandanti i Shtabit të Përgjithshëm të Ushtrisë Çlirimtare të Kosovës, Azem Syla, me date 16 dhe 17 të këtij muaji ka vizituar bashkluftetaret e tij qe po mbahen padrejtësisht nga Dhomat Specializuara në Hagë, Hashim Thaçin dhe Kadri Veselin. Ndonëse kërkesa pranë autoriteteve të kësaj Gjykate ishte bërë për t’i takuar të gjithë shokët e idealit për çlirim, si Jakup Krasniqin e Rexhep Seliminn, e njëjta ishte mohuar.

Pas këtij takimi, Azem Syla ka deklaruar se “dy nga mbartësit kryesorë të luftës sonë, ishin po ata që kanë qenë gjithmonë, krenarë, qëndrestarë dhe të palëkundur në mbrojtje të kauzës fisnike e të drejtë të luftës çlirimtare. Aspak të shqetësuar për fatin e tyre personal, por vetëm por për fatin shtetit të Kosovës.

Qëndrimi burrëror e historik kishte pamjen e një madheshtie sublime dhe një shembull që dinë ta rrezatojnë vetëm heronjtë e luftës dhe paqes.

Jam i bindur se drejtësia dhe e vërteta në fund do të triumfojnë dhe bijtë më te devotshëm të kombit e atdheut do të kthehen shumë shpejt faqebardhë pranë familjeve të tyre e në shtetin e Kosovës, për ndërtimin e të cilit dhanë gjithçka” ka përfunduar Syla.