Kadriu: Kosova ka nevojë për pjesëmarrje, për vendime të mençura dhe për besim në të ardhmen

Gjilan – Ju ftoj të gjithë qytetarëve që të dalin dhe ta ushtrojnë të drejtën e votës me ndërgjegje, përgjegjësi dhe dinjitet, sepse demokracia forcohet vetëm kur zëri i qytetarëve dëgjohet ka shkruar Rexhep Kadriu.

Postimi i plotë:

Të dashur qytetarë,

Sot, së bashku me familjen time, e shfrytëzova të drejtën e votës, një akt i thjeshtë në formë, por thelbësor për demokracinë dhe për të ardhmen e Republikës së Kosovës.

Kjo ditë nuk është vetëm një proces zgjedhor, por një moment përgjegjësie qytetare, ku secili prej nesh ka mundësinë të kontribuojë në drejtimin që dëshirojmë për shtetin tonë.

Ju ftoj të gjithë qytetarëve që të dalin dhe ta ushtrojnë të drejtën e votës me ndërgjegje, përgjegjësi dhe dinjitet, sepse demokracia forcohet vetëm kur zëri i qytetarëve dëgjohet.

Kosova ka nevojë për pjesëmarrje, për vendime të mençura dhe për besim në të ardhmen./rajonipress/