Kadriu i AAK-së: Po votohet për të ardhmen e Gjilanit

Gjilan – Kandidati i AAK-së për kryetar të Gjilanit Rexhep Kadriu ka votuar në shkollën fillore “Skënderbeu” të Përlepnicës. Kadriu tha se këto zgjedhje janë të rëndësishme sepse po votohet për të ardhmen e Gjilanit.

Pasi ka hedhur votën në shkollën fillore “Skënderbeu” të Përlepnicës , Rexhep Kadriu kandidat i AAK-së për kryetar të Gjilanit i shoqëruar edhe nga bashkëshortja e tij tha se zgjedhjet e tanishme janë një test shumë domethënës për qytetarët e Gjilanit. “Unë i falënderoj qytetarët që kanë treguar vërtet një gjest të lart dhe një kulturë politike , ku gjatë tërë kohës nuk kemi pasur asnjë ekses. Edhe tani kemi informacione se nuk ka parregullsi dhe kjo është shumë e rëndësishme” tha ai.

Kadriu tha se këto zgjedhje në Gjilan janë të rëndësishme sepse votohet për të ardhmen e Gjilanit dhe të qytetarëve të saj./rajonipress/