Kadaj-Bujupi: Ne s’jemi si PDK-ja!

Anëtarja e kryesisë së AAK-së, deputetja, Donika Kadaj-Bujupi, ka thënë se lideri i kësaj partie, Ramush Haradinaj nuk do të ketë kundërkandidat në zgjedhjet në AAK, që sipas saj pritën të mbahen diku kah mesi i muajit prill.

Ajo ka thënë se në këtë aspekt AAK-ja nuk është si PDK-ja, duke aluduar në votimin me aklamacion për të zgjedhur kryetarin.

Ajo ka thënë se Konventa e PDK-së, ka qenë një organizim i tepruar. Sipas saj, edhe pas gjithë këtij organizimi, pas gjithë atij ndriçimi siç është shprehur ajo, nuk është parë asgjë demokratike.

PDK-ja sipas saj, nuk mund të thuhet se është parti e djathtë. Mundësia më e mirë për përmirësimin e jetës në Kosovë sipas deputetes, është largimi i kësaj qeverie.

Sipas saj, AAK-ja pas zgjedhje të brendshme do të dalë edhe më e fortë, vecanerisht pasi tash në Kosovë është lideri i saj, Ramush Haradinaj.

Në emisionin Interaktiv të KTV-së, zonja Bujupi ka folur edhe për koalicionin e mundshëm PDK-AAK, duke theksuar se me Haradinajn Qeveria e Kosovës do të jetë më e fuqishme, duke iu referuar 100 ditëshit të qeverisjes së Haradinajt. (ORAinfo)