Kada: Lugina kot i mban sytë kah Prishtina…Qeverinë se kemi të zonjën

“Do të thosha se Qeveria e Kosovës është duke bërë pak edhe për qytetarët e Kosovës e lërë më për Luginën e Preshevës, ajo nuk ka kredibilitetin e duhur. E dimë që ka dalë nga zgjedhje shumë të brishta, ka probleme të mëdha me sundimin e ligjit, krimin e organizuar, korrupsionin. Prandaj me keqardhje e them se, shqiptarët nga Lugina e Preshevës, presin kot, lani duart nga qeveria aktuale…” ka deklaruar deputetja Donika Kada Bujupi, për “Presheva Jonë”.

Deputetja Kada-Bujupi, ka thënë se , AAK-ja nuk ka qen e interesuar të hyjë në koalicion më PDK-në. Sipas saj, AAK ka qenë e interesuar që të marrë pushtet, e jo të jetë pjesë e pushtetit.

“ Po të donim të hynim në koalicion në do ta bënim në vitin 2010. Ne kemi dashur ta marrim pushtetin për faktin se, Kosova sot gjendet në një gjendje shumë të vështirë ekonomike, sociale ku çdo ditë edhe qeveritë mike po shprehin zhgënjimin e tyre për këtë qeveri. Kemi mungesë të investimeve, rritje të korupcionit, të krimit të pasigurisë e gjëra tjera që tregojnë se ky vend ka nevojë për një njeri të nivelit të një njeriu i cili e ka dëshmi veten me punën e tij në 100 ditshin e qeverisjes së ti Haradinaj ka treguar se është kryeministri më mirë i mundshëm për Republikën e Kosovës”.