Ka filluar aksioni për lirimin e hapësirave publike

Kamenicë – Kryetari i Komunës, Kadri Rahimaj, ka njoftuar qytetarët se nën udhëheqjen e drejtorit të DSHPAIE, Zotrim Kastrati, ka nisur aksioni për largimin e objekteve dhe ndërtimeve pa leje që pengojnë hapësirat publike.

Rahimaj, po ashtu ka bërë të ditur se janë identifikuar mbi 80 lokacione ku do të ndërhyhet për t’i kthyer këto hapësira në shërbim të qytetarëve.

Ndër të tjerash, Rahimaj u ka bërë thirrje të gjithë qytetarëve dhe investitorëve që të respektojnë ligjin dhe të pajisen me lejet e nevojshme./rajonipress/