Uji Dea

Juventusi interesohet për mbrojtësin e Shqipërisë

/ 1 minutë lexim
Uji Dea

Juventusi ka shfaqur interesim për mbrojtësin e Shqipërisë, që luan te Lokomotiva e Moskës, Mario Mitaj, ka shkruar të mërkurën mediumi italian “Tuttosport”.

“Bianconerët” janë përforcuar me Douglas Luizin nga Aston Villa, ndërsa kanë arritur marrëveshje edhe me Khephren Thuramin e Michele Di Gregorion.

Por, “zonja e vjetër” po synon përforcimin e mbrojtjes në krahun e majtë, ndërsa Mitaj shihet si ideali për atë pozitë.

ARKATANA

Mitaj pati paraqitje shumë të mira me “kuqezinjtë” në Evropianin 2024 në Gjermani.

Por, Shqipëria nuk arriti ta kalojë fazën e grupeve. Shqipëria përfundoi e fundit në Grupin B, prapa Spanjës, Italisë dhe Kroacisë.

Mediumi italian ka shkruar se Juventusi për 20-vjeçarin Mitaj, pritet t’i shpenzojë 12 milionë euro.