RCCOLA

Ju të LDK-së merruni me Koronën, e lëreni garën për kryetar komune të 2021

/ 2 minuta lexim

Nga Kushtrim Kadriu – Komisioni Komunal në Gjilan është një komision i papërgatitur dhe i cili përbëhet nga disa çunakë të cilët të janë duke e shfrytëzuar këtë fatkeqësi si një formë për tu dukur e për tu shfaqur në media. Ky ekip shfaqet çdo ditë në konferenca për media e që në to nuk thotë asgjë të re pos disa konstatimeve të cilat i di çdo qytetar që i ndjekë sadopak mediat.

Nuk kemi nevojë për komentatorë, edhe atë komentatorë të dobët, e as kopje të këqija të Lutfi kryetarit.

Fidanishtja

Kam disa pyetje për ju nga komisioni:
1. Cilat hapa i keni ndërmarrë ju si komision?
2. A e keni bërë ende gati listën me studentët e mjekësisë e infermierisë që të jenë gati në rast të rritjes së numrit të infektuarve?
3. A keni përgatitur dhoma karantimi në Gjilan?
4. A keni vendosur tenda e me shtretër në rast se mbingarkohet spitali regjional?
5. A jeni duke e dezinfektuar qytetin?
6. A keni vendosur sfungjerë dezinfektues për veturat e për qytetarët që janë duke qarkulluar?
7. A keni shpërndarë ndihma për ata që nuk kanë mundësi të furnizohen me ushqime?
8. A keni shpërndarë ilaçe për ata që nuk kanë para t`i blejnë ato?

Koronavirusi është pandemi e rrezikshme dhe nuk është momenti që të dukeni e të bëni foto , të dilni nga tri- katër herë në konferenca për media me qëllim të promovimin politik. Nuk është koha të flisni se kush do kandidoi për kryetar komune në 2021 nga LDK. Lutuni e punoni të shpëtojmë njëherë, e pastaj merruni me kandidime e me “syreta”, e me çka të doni. Me veprimet tuaja prej adoleshentësh mund ta merrni në qafë një qytet, siç bëtë duke lejuar e duke marrë pjesë në ahengje në kohë pandemie.