Joseph: Ballkani mbetet dinamik edhe në festa, zgjedhjet në Kosovë dhe turbulenca në diplomacinë serbe

Profesori amerikan, Edward Joseph, në një postim në profilin e tij në “X”, ka thënë se rajoni i Ballkanit vazhdon të mbetet dinamik pavarësisht faktit se tashmë ndodhemi në një periudhe të festave.

Ai ka përmendur zgjedhjet e 28 dhjetorit si një zhvillim të rëndësishëm dhe për turbulenca që po përjeton politika e jashtme e Serbisë pas protestave dhe sanksioneve të vendosura nga Administrata e Trump për industrinë serbe të naftës.

“Edhe gjatë periudhës së festave, Ballkani mbetet dinamik me zgjedhjet e rëndësishme në Kosovë të dielën. Trazirat në Serbi vazhdojnë, duke ndikuar në politikën e jashtme të Beogradit”, ka shkruar ai.