Januzaj pranë huazimit te Blackburni

Mesfushori kosovar Adnan Januzaj, ka gjasa të mëdha që edicionin e ardhshëm të luajë te skuadra e Blackburnit, përcjellë “Daily Mirror” të mërkurën.

Blackburni bën gara në kategorinë e dytë të Anglisë, kurse Januzaj do të luajë si huazim nga Manchester Unitedi. “David Moyes do të huazojë Januzajn te Blackburni për të fituar përvojë.

Mesfushori premtues pati paraqitje të jashtëzakonshme edicionin e shkuar tek ekipi U-21 i Manchester Unitedit”, shkruan gazeta angleze.

Januzaj ka kontratë me Manchesterin deri në vitin 2015, kurse më herët interesim për të pati treguar edhe skuadra e Barcelonës.