Jahjaga: Duhet reforma për zhvillimin demokratik të Kosovës

Ish-presidentja e Kosovës, Atifete Jahjaga ka thënë se reformat në Kosovë mbesin qenësore për zhvillimin demokratik të vendit dhe për forcimin e orientimit dhe perspektivës euroatlantike të Kosovës.

Ajo në rrjetin social facebbok ka njoftuar se sot është takuar me ish-sekretaren Amerikane te Shtetit, Madeleine Albright, me të cilën do të jetë nesër në Konventën Demokratike në SHBA, në një panel për të diskutuar sfidat me të cilat gratë përballen në politikë.

Ja postimi i plotë i Jahjagës në facebook:

Sot u takova me ish Sekretaren Amerikane te Shtetit, Madeleine Albright.

LEXO: Bosnja relakson procedurat për viza kosovare
Me të bisedova për sfidat me të cilat po përballet Kosova dhe nevojën për mbështjetje dhe prani të vazhdueshme amerikane në Kosovë dhe rajon.

Reformat në Kosovë mbesin qenësore për zhvillimin demokratik të vendit dhe për forcimin e orientimit dhe perspektivës euroatlantike të Kosovës.

Kam nderin që në kuadër të Konventës Demokratike në SHBA, nesër jam e fruar të marr pjesë në panelin e njëjtë me zonjën Albright, për të diskutuar sfidat me të cilat gratë përballen në politikë.