Jacobson: Herët për dorëheqjen e Jahjagës
Ambasadorja amerikane në Kosovë, Tracey Ann Jacobson ka thënë se është herët të flitet për dorëheqjen e presidentes Atifete Jahjaga.
Ajo në një intervistë për “Kosova Sot” ka pohuar se pa përfunduar reforma zgjedhore nuk mund të flitet për tërheqjen e Jahjagës.
“Edhe nëse dëshirojmë të flasim për marrëveshjen e arritur politike, sa e kuptoj unë, ideja ka qenë se Presidentja do të tërhiqet pasi të ketë përfunduar reforma zgjedhore dhe reforma kushtetuese, e cila mundëson zgjedhjen e drejtpërdrejtë të Presidentit.
Prandaj, është shumë e hershme të flitet për dorëheqjen e saj”, thotë ambasadorja amerikane. (ORAinfo)