J.K. Rowling sërish ngjall kurreshtje

“The Casual Vacancy”, romani i parë për të rritur i shkrimtares së sagës për Harry Potter, J. K. Rowling, më 27 shtator del në shitje në Amerikë, Angli, Gjermani dhe Francë.

Në Britani tashmë po debatohet për atë nëse Rowling do të vazhdojë të mbetet burim parash për botuesit. Ata që besojnë në këtë, supozojnë se librit i saj i ri do të shitet në të paktën një milionë ekzemplarë , sepse një numër i madh njerëzish do të interesohen të shohin se si shkruan ajo për të rritur.

Së këndejmi, është krejtësisht i kuptueshëm interesimi enorm i shtëpive botues për bestsellerin e ri të J. K. Rowling, saga e së cilës për Harry Potter është përkthyer në 74 gjuhë dhe çyshtë shitur në mbi 450 milionë ekzemplarë.

Përveç zhanrit, shkrimtarja më e pasur britanike ka ndërruar edhe botuesin (Bloomsbury) dhe ka nënshkruar kontratë me Little Brown.

Ndryshe, “The Casual Vacancy” është një roman me humor të zi, i shkruar në afro 400 faqe. Ngjarja zhvillohet në qytezën fiktive Pagford, ku vdekje e papritur e deputetit të qytezës, Barry Fairbrother, shkakton përçarjen e komunitetit idilik.