Isufi: Rexhep Kadriu vendos për koalicionin

Gjilan – Ahmet Isufi nënkryetar i AAK-së në qendër tha për rajonipress se ende nuk kanë vendosur se me këndë do ë hyjë në koalicion AAK-ja në Gjilan dhe cilin kandidat do të përkrah. Parimisht jemi marrë vesh që për këtë çështje të vendos Rexhep Kadriu dhe dega e AAK-së tha Isufi. Kurse Rexhep Kadriu tha se ne ecim drejt dhe nuk mbështesim asnjërin kandidat.

AAK-ja dega në Gjilan po pret rezultatet dhe certifikimin e tyre për të vendosur më pastaj se çfarë do të vendos për koalicionin e mundshëm në Gjilan. Kështu thotë për rajonipress Ahmet Isufi nënkryetar i AAK-së dega në qendër.

Isufi tha se realisht s`kemi biseduar me asnjërin subjekt politik në Gjilan, pra as me LDK as me PDK. “Parimisht jemi marrë vesh që Rexhep Kadriu të vendos rreth kësaj çështjeje së bashku me degën. Po e presim rezultatin përfundimtar dhe në bazë të tyre ne pastaj edhe mund të bisedojmë me partitë e interesuara në Gjilan” tha Isufi.

Kurse Rexhep Kadriu i kontaktuar nga rajonipress tha se po e pret certifikimin e rezultateve edhe pse qëndrimi ynë rreth koalicioneve është se ne ecim drejt dhe nuk mbështesim askënd”. /rajonipress/