Isufi: Nuk do rrimë indiferent për lapidarin e Luginës

Gjilan- Kreu i AAK-së në Gjilan Ahmet Isufi ka thënë të enjten në Gjilan se me kujdes dhe vëmendje po e përcjellë zhvillimin rreth lapidarit të UÇPMB-së. Ish komandanti i Zonës Operative të Karadakut tha se kushdo që prek në vlerat e luftës do të marrë një përgjigje të merituar.

Këto komente Isufi i bëri në hapje të fushatës zgjedhore të AAK-së në Gjilan. Ish komandanti i Zonës Operative të Karadakut Ahmet Isufi tha se jemi në mbrojtje të të drejtave të shqiptarëve të Luginës së Preshevës. “Kushdo që prek në vlerat e luftës duhet të ketë kujdes sepse do të marrë një përgjigje të merituar ashtu siç e kanë marrë edhe më herët”.

Isufi tha se jemi kundër luftës, por kushdo që cenon identitetin tonë ne do të përgjigjemi ashtu siç na ka hije dhe nuk do rrimë duarkryq e as indiferentë ndaj zhvillimeve në Luginë tha Isufi ./rajonipress/