Isufi: Mjaft më me propagandë! Koha e propagandës elektorale duhet të marrë fund njëherë e përgjithmonë

Gjilan – Deklarimet për përkrahje të fuqishme dhe të palëkundur nga banorët e Uglarit janë të njëanshme dhe përbëjnë manipulim të opinionit publik. Askush nuk ka të drejtë të flasë në emër të një fshati të tërë dhe ta përdorë atë për qëllime elektorale. Fotografitë e publikuara e dëshmojnë më së miri se bëhet fjalë për pjesëmarrje të kufizuar dhe jo për përkrahje gjithëpërfshirëse. E posaçërisht, ato tregojnë qartë se pjesëmarrja është shumë e kufizuar në krahasim me pjesëmarrjen e kandidatëve për deputet dhe me strukturën udhëheqëse të Lëvizjes Vetëvendosje ka shkruar Bashkim Isufi.

Postimi i plotë:

Nëse i referohen zgjedhjeve lokale, edhe unë kam qenë përkrahës i Lëvizjes Vetëvendosje, e posaçërisht i kandidatit për kryetar të komunës. Por kjo nuk nënkupton automatikisht përkrahje edhe në zgjedhjet nacionale, pasi që zgjedhjet lokale dallojnë nga ato nacionale.

Vota ime është personale, qëndrimet e mia politike mund të ndryshojnë, dhe askush nuk ka mandat të flasë apo të keqpërdorë vullnetin tim ose të qytetarëve për interesa partiake.

Mjaft më me propagandë! Koha e propagandës elektorale duhet të marrë fund njëherë e përgjithmonë.