Istrefi transferohet në Carlstad United

Gëzim Istrefi ka vendosur që karrierën ta vazhdoj te skuadra e Carlstad United, e cila bën gara në divizionin e dytë të futbollit suedez. Ai sezonin e kaluar ishte pjesë e ekipit Dalkurd, por vendosi të rikthehet te skuadra ku i ka mësuar hapat e par të futbollit.

“Jemi të lumtur që kemi angazhuar Gëzimin. Ne e kujtojmë se sa i mirë ishte në vitin 2010, dhe i dimë aftësitë e tij. Edhe pse ai ka pasur disa vite të vështira shkaku i lëndimeve, ne besojmë se Carlstad United mund të jetë ekipi ku ai do të këndellet dhe do të vazhdoj përpara”, ka deklaruar drejtori sportiv i ekipit suedez Lars Warnestad.

Istrefi, në vitin 2010 pikërisht nga Carlstad United ishte transferuar te skuadra nga elita e futbollit suedez GAIS. Por, lëndimet nuk e lanë 21 vjeçarin të përparoi, duke e detyruar të bëj disa hapa prapa në karrierë.