Ismet Munishi: Jam trajneri më i mirë

Gjilan – Trajneri i Gjilanit, Ismet Munishi, në përfundim të ndeshjes u prononcua, pasi skuadra e tij humbi me rezultat të pastër 2:0 ndaj Dukagjinit.

Ai theksoi që pavarësisht kësaj, mbetet trajneri më i mirë. “Unë jam trajner më i mirë. Fjalën karizmatik mund edhe ta tërhiqni nga fjalori. Jam thjesht më i miri. Nuk është problemi te Gjilani, por Dukagjini është shumë i fortë kur luan me 11 lojtarë. Provuam në pjesën e dytë. Krijuam disa raste. Në një ndeshje të tillë nuk mund të pretendosh të kesh shumë raste shënimi. I patëm 4-5, por nëse nuk i konkretizon, përfundon kështu. Psikologjikisht te ne po ndikojnë disa faktorë të tjerë. Apeloj të gjithë të luajmë futboll të pastër, të mirë, ku do të dalë skuadra më e mirë në Evropë. Deri këtu e kam limitin. Nuk mund të flas më shumë”, deklaroi Ismet Munishi.