Ismajli për mërgimtarët: Ju jeni një pasuri që nuk matet me para, por me dashurinë dhe lidhjen që mbani gjallë për vendin tuaj

Gjilan – Kur vjen vera, nuk janë vetëm ditët e gjata dhe dielli që na gëzojnë, por, edhe ardhja e juaj, e bijve dhe bijave që me vite e dekada nuk kanë harruar asnjëherë rrënjët. Ju që punoni me mund jashtë vendlindjes, që jetoni mes dy dashurive, asaj për familjen atje dhe kësaj për atdheun këtu, jeni përgjithmonë krenaria jonë ka shkruar Arbër Ismajli kandidat për kryetar komune nga radhët e LDK-së.

Postimi i plotë:

Kjo tokë i njeh hapat tuaj edhe kur largoheni, e zemrat tona ndjejnë mungesën tuaj në çdo stine.
Sot, kur ju ktheheni në shtëpi, nuk sillni vetëm mallin e dashurinë, por, sillni edhe gjallëri, buzëqeshje, përqafime, ndihmë dhe ide të reja.

Ju jeni një pasuri që nuk matet me para, por me dashurinë dhe lidhjen që mbani gjallë për vendin tuaj.

Republika është më e bukur, më e gjallë dhe më e plotë kur ju jeni këtu!

Mirë se vini, çdo herë dhe përherë!