Ismajli: Me fat dita e zgjedhjes së të ardhmes së qytetit tuaj!

Gjilan – Prej vitesh, i kam ndjekur sfidat e qytetit tonë jo si spektator, por si pjesë e përditshmërisë së secilit prej jush. Gjilani nuk ka nevojë për fjalë të mëdha, por për veprime konkrete. Nuk ka nevojë për premtime boshe, por për angazhim të sinqertë e të vazhdueshëm ka shkruar Arbër Ismajli.

Postimi i plotë:

Sot, më shumë se kurrë, qytetarët ndjejnë se është koha për të marrë përgjegjësi. Jo për të udhëhequr nga lart, por për të bashkë-ndërtuar nga afër qytetin tonë për të cilin punojmë e veprojmë për çdo ditë.

Unë besoj në forcën e qytetarëve tanë, në mençurinë dhe në mundësinë që Gjilani të ecë përpara me dinjitet dhe përkushtim. Rruga bashkë do të jetë e lehtë, dhe, me besim e bashkëpunim të sinqertë, çdo hap i vogël kthehet në ndryshim të madh për qytetin tonë.

Le ta nisim këtë rrugëtim me guxim dhe besim për të ardhmen e qytetit dhe të bashkëqytetarëve tanë. Gjilani meriton t’i kthehet dinjiteti i humbur ndërvitesh!