Ismajl Beka vazhdon shkëlqimin në Zvicër, pjesë e formacionit të javës

Ismajl Beka po shkëlqen në elitën e futbollit zviceran me fanellën e Luzernit.

Qendërmbrojtësi i Kosovës ka vazhdimisht statistika shumë të mira dhe paraqitjet e tij në fushë po e tregojnë një gjë të tillë.

Në kuadër të xhiros së gjashtë, Luzerni ka marrë një barazim të vlefshëm në udhëtim te Baseli 1-1 dhe Beka ishte më i miri në fushë.

23-vjeçari është vendosur në formacionin e javës nga SofaScore në elitën e futbollit zviceran.

Luzerni po paraqitet mjaftë mirë këtë edicion, ku pas tetë ndeshjeve të zhvilluara ndodhet në pozitën e dytë në tabelë me 15 pikë të grumbulluara.

Te kjo skuadër janë edhe futbollistë tjerë shqiptarë si Kemal Ademi, Ardon Jashari dhe Denis Simani. /Telegrafi/