Ismaili: Udhëzimi Administrativ që fuqizon rolin e mjekësisë familjare në gjithë Kosovën​, është gati

Ministri i Shëndetësisë, Uran Ismaili, ka vizituar sot Qendrën Kryesore të Mjekësisë Familjare në Prishtinë.

Gjatë kësaj vizite ministri Ismaili ka falënderuar profesionistët shëndetësorë për përkushtimin dhe profesionalizmin e tyre në dhënien e shërbimeve shëndetësore për qytetarët.

Me këtë rast, ministri i ka njoftuar profesionistët shëndetësorë edhe me Udhëzimin e ri Administrativ për Kujdesin Parësor Shëndetësor që është hartuar dhe është në fazën finale.

“Gjatë kësaj periudhe edhe ne si Ministri kemi punuar që përmes mbështetjes tonë institucionale ta fuqizojmë mjekësinë familjare dhe rolin e saj. Udhëzimi i ri Administrativ për Kujdesin Parësor Shëndetësor tashmë është në fazën finale dhe shumë shpejt do ta nënshkruaj. Ky dokument i ri parasheh një varg risish dhe lehtësirash për qytetarët dhe profesionistët shëndetësorë në mjekësinë familjare”, tha ministri Ismaili.

Ismaili tha se duke rritur numrin e shërbimeve dhe mundësive për qytetarët ne do të krijojmë një mbulim më të madh shëndetësor në gjithë territorin e Kosovës. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).