Ismaili: Të vazhdojmë!

Gjilan – Pas fitores ndaj Trepçës 89, KF”Drita” e motivuar pret sfidën e radhës.Në xhiron e fundit mposhtëm Trepçën 89 me rezultat bindës dhe me një lojë të bukur dhe atraktive për shikues.

Ekipi ynë nga fillimi i ndeshjes u tregua kompakt dhe bindës përball një pretendenti për titull siç konsiderohet Trepça 89, sulmuesit tanë treguan vlerat e tyre gjë që na bën të besojmë shumë në një ecuri pozitive në vazhdim të kampionatit tha nënkryetari i bordit.

Në ballafaqimin e radhës Drita me një motiv të lartë dhe mentalitet fitues të dielën pret Hajvalin në stadiumin e qytetit në Gjilan.

Havalia përkundër përforcimeve që ka bërë do të gjunjëzohet dhe tri pikët do të mbesin në Gjilan, thotë nënkryetari i bordit të klubit futbollistik “Drita”, Besim Ismaili.

Ismaili nuk harroi të falënderojë tifozët shembull në rajon “Intelektualët” që i konsideron lojtari i 12-të i ekipit./rajonipress/