Ismaili paralajmëron riorganizim dhe freskim të “Dritës”

Gjilan – Kryetari i bordit të KF”Drita”, Besim Ismaili paralajmëron dy xhiro para përfundimit të sezonit vjeshtor se do të ketë riorganizim në strukturat menaxhuese.

“Çdo fillim ka një mbarim. Bëhet fjalë për kompletim dhe freskim të pozitave kyçe në drejtim të strukturimit të mirëfilltë dhe ndarjes profesionale të detyrave të secilit. Gjithë kjo bëhet me qëllim që ekipi sa më i përgatitur ta presë sezonin e ri, ku “Drita” me një organizim të mirë do të hyn me ambicie më të mëdha në pranverë. Ne pas përfundimit të sezonit vjeshtor, sezonë ky që nuk është i kënaqur për klubin “Drita”, do të thërrasim një kuvend zgjedhor ku do të zgjedhim udhëheqës të rinë, do t’i ftojmë përfaqësuesit e bizneseve, ish sportistët-veteranët, nga një përfaqësues të subjekteve politike që udhëheqin me komisionet e sportit, dhe të gjithë qytetarët e Gjilanit që janë të interesuar për të dhënë kontribut në klubin futbollistik “Drita”, ka thënë Ismaili.

Ismaili ka shtuar se nëse janë të interesuar të japin kontribut munden të bashkëngjiten prej tani, sepse kemi edhe dy xhiro deri në përfundim të këtij sezoni dhe për secilin që e dashuron klubin e që është i interesuar të jap kontribut, ka vend dhe hapësirë në klub ka thënë ai./rajonipress/