Ismaili: I shqetësuar me ngjarjet e fundit!

Gjilan – Si duket të gjitha përpjekjet e FFK-së në bashkëpunim me klubet, që gjithçka të shkojë në rregull, dhuna në futbollin kosovar nuk ka të ndalur ka thënë Nënkryetari i bordit të KF”Dritës” nga Gjilani Besim Ismaili.

Ndodhi edhe kjo ndeshja ndërmjet Flamurtarit dhe Kosovës së Prishtinës është ndërprerë, pasi një lojtar e ka grushtuar gjyqtarin Leutrim Mustafa.

“Sulmi ndaj gjyqtarit është i papranueshëm , lojtarët duhet ta din se për çka gjinden në fushë, nuk kanë çka të merren (kacafyten) me gjyqtarët, nuk ka ligj që e mbron sulmin ndaj gjyqtarit edhe nëse ai e bën padrejtë, sepse vlerësimin për gjyqtarë e jep komisioni disiplinor “ tha Ismaili.

Ismaili tha se edhe gjyqtarët duhet të jenë të kujdesshëm dhe të gjykojnë drejtë , mos të luajnë me ndjenjat e lojtarëve dhe të tifozëve.

Nënkryetari i bordit i bën thirrje FFK-së që të marrin masa disiplinore ndaj atyre që prishin imazhin e futbollit në Kosovë, sepse nëse nuk merren dënime strikte tani, qoftë lojtarë apo gjyqtarë atëherë kjo do të kaplojë gjithë futbollin Kosovar./rajonipress/