Ish-Kryeministri Shinzo Abe nuk u përballoi plagëve, vdes në spital

Shinzo Abe konfirmohet i vdekur pasi u qëllua me armë sot. Ai nuk u ka mbijetuar plagëve.

Transmetuesi publik japonez NHK ka raportuar se ish-kryeministri japonez Shinzo Abe është konfirmuar se ka vdekur nga të shtënat e mëngjesit të sotëm, duke cituar zyrtarë raporton The Guardian, transmeton Gazeta Express.

Ish-kryeministri japonez u qëllua të premten me armë zjarri gjatë fjalimit që po mbante në fushatën elektorale në qytetin Nara në lindje të Osakës.

Sulmuesi që u kap menjëherë nga rojet e sigurisë e qëlloi Aben dy herë, në qafë dhe shpinë.

41 vjeçari, Tetsuya Yamagami, banor në qytetin Nara është identifikuar si sulmuesi i Abes.

Siç raportojnë mediat ndërkombëtare, duke cituar burimet qeveritare, Yamagami ishte ish-anëtar i Forcave të Vetëmbrojtjes Detare të Japonisë.

Ai thuhet se ka shërbyer në MSDF deri në vitin 2005, tha burimi.

Shpërndaje.
© RAJONIPRESS