Ironizon Taulant Haxhiu: Ka je Oh Sokol Haliti, a je kesajde?

Viti – Ftojmë prokurorinë në Gjilan dhe departamentin e krimeve ekonomike që të vazhdoj hetimet dhe ta godasë përgjegjësin kryesor të këtyre manipulimeve e korrupsionit në Viti, Sokol Halitin ka shkruar Taulant Haxhiu.

Postimi i Taulant Haxhiut

Prokuroria themelore në Gjilan në bashkëpunim me drejtorin për krime ekonomike sot kanë arrestuar 5 zyrtarë komunalë në Viti në lidhje me mashtrimet në asfaltimet e disa rrugëve.

Dega e PDK-së në Viti nē vazhdimësi ka ngritur shqetësimet se në zyrën e prokurorimit në Viti ka manipulime dhe korrupsion e ku buxheti i qytetarëve të Vitisë po dëmtohet rënd me qëllim të pasurimit të disa oligarkëve në Viti të kryesuar nga Sokol Haliti.

Nuk ka rrugë dhe projekt në Viti në të cilin nuk është zhvatur andaj të gjitha këto projekte janë dëmtuar rënd pak kohë pas përfundimit të tyre.

Zyrtarët e arrestuar sot janë vetëm viktimë e një piramide mirë të orkestruar e cila gjatë 8 viteve të pushtetit të Sokol Halitit ka kontrolluar të gjithë tenderët duke u mundësuar një grupi oligarkësh të përfitojnë në kurriz të qytetarëve.

Ftojmë prokurorinë në Gjilan dhe departamentin e krimeve ekonomike që të vazhdoj hetimet dhe ta godasë përgjegjësin kryesor të këtyre manipulimeve e korrupsionit në Viti, Sokol Halitin.

Dega e PDK-së në Viti e ka ngritur zërin e saj opozitar në vazhdimësi ndaj këtij pushteti të korruptuar dhe do vazhdojë të jetë e pa kompromis kur bëhet fjalë interesi i përgjithshëm i qytetarëve të Vitisë./rajonipress/

Shpërndaje.
© RAJONIPRESS