Intervistohen “sekserët” e Dino Asanajt

Prokuroria ka mbyllur ciklin e marrjes në pyetje të të dyshuarve për kërkim parash nga zëvendëskryeministri Behgjet Pacolli dhe biznesmeni Remzi Ejupi.

I fundit, që në cilësinë e të dyshuarit për shpërdorim të detyrës zyrtare ose autorizimit dhe ushtrim të ndikimit është marrë në pyetje deputeti Ukë Rugova nga hetues të Policisë së Kosovës.

Provat e mbledhura deri tash konsiderohen deri tash konsiderohen të shumta për ngritje të aktakuzës.
Burime të “Kohës Ditore” nga procesi hetimor kanë thënë se si të dyshuar janë intervistuar zëvendësministri Astrit Haraqija, deputeti Ukë Rugova, Naser Osmani, biznesmeni Gazmend Abrashi dhe e veja e Dino Asanajt, Adelina Reçica.

Ky burim ka thënë se prokuroria është në fazën e analizimit të dëshmive dhe provave të mbledhura deri tash.
“Ka prova të mjaftueshme për të ngritur aktakuzë. Për disa më shumë e për disa më pak. Rugva, Haraqija dhe Osmani dyshohen për shpërdorim të detyrës zyrtare dhe ushtrim të ndikimit, ndërsa Gazmend Abrashi dhe Adelina Reçica për ushtrim të ndikimit”, ka thënë ky burim./Indeksonline/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).