INTERPOL-it i dërgohet vendimi për fletarrestim ndërkombëtar për Zharkun

Prishtinë, Kaçanik – Zëvendëskryeministrit Hajredin Kuçi i është dashur ta merrte një vendim të vështirë për bashkëpartiakun e tij, Xhabir Zharkun, ish- kryetar i Komunës së Kaçanikut, i cili është i dënuar me tre vjet burgim për veprën penale të detyrimit dhe për armëmbajtje pa leje.

Për Zharkun, i cili për të mos vuajtur dënimin ka ikur nga Kosova, ministria të cilën e drejton ministri Kuçi është dashur që ta përcillte në INTERPOL kërkesën për lëshimin e fletarrestimit ndërkombëtar, pasi që Policia e Kosovës ka vërtetuar se Zharku nuk gjendet në Kosovë.

Zyra për informim e Ministrisë së Drejtësisë ka konfirmuar se kjo ministri ka pranuar kërkesën e Gjykatës Themelore të Ferizajt, dega në Kaçanik, që MD-ja të lëshojë fletarrestim ndërkombëtar.(koha)