Instituti për Hulumtimin e Krimeve të luftës në Kosovë viziton Kamenicën

Gjilan- Kryetari i komunës së Kamenicës Shaip Surdulli, ka pritur përfaqësuesit e Institutit për Hulumtimin e Krimeve të luftës në Kosovë 1998/1999, Fejaz Drançolli- Historian i Artit, Abedin Selimaj- Diplomaci dhe Baki Svirca –Politikave Publike.

Abedin Selimaj ka thënë se qëllimi i këtij takimi është bashkëpunimi i komunës së Kamenicës në lidhje me grumbullimin e informatave rreth dëmeve materiale, me njerëz të zhdukur.

Ai tha se ky institut ka për qëllim mbledhjen, sistematizimin, përpunimin dhe publikimin e të dhënave për krime kundër paqes, krime të luftës, krime kundër njerëzimit dhe akteve të gjenocidit të kryera në Kosovë gjatë vitit 1998, deri në qershor të vitit 1999.

Selimaj tha se ne do të mundohemi edhe në hapjen e një muzeu shqiptarë i cili do të quhet “ Holokausi Shqiptarë”, ku të gjithë shqiptarët e më gjerë do të kenë njohuri lidhur me luftën që është zhvilluar, gjithashtu tha se do të angazhojmë njohës të kësaj lamie nëpër teren.

Kryetari i komunës së Kamenicës Shaip Surdulli tha se ne do të angazhohemi në mbledhjen e këtyre informatave, pasi që kjo ka rëndësi shumë të madhe dhe se do të punojmë me shumë sinqeritet për mbledhjen ,të dhënat informatat gjatë kohës se luftës.

Ai tha se unë gjithsesi do të angazhohem që bashkë me komisionin i cili ka qenë i themeluar pas luftës , i cili ka bërë një punë të madhe për grumbullimin evidentimin dhe vlerësimin e fakteve të cilat do tua dorëzojmë institutit për Hulumtimin e Krimeve të luftës në Kosovë. Sigurisht që do t`i begatojmë informatat me hulumtime të reja ka thënë Surdulli./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).