Gjilan – Ruzhdi Rashiti nga sektori i ambientit dhe shërbimeve publike tha se janë vizituar dhe inspektuar mbi 13 kafiteri vetëm në javën e fundit dhe atyre u janë konfiskuar tavolina e karriga.
Drejtoria e Inspeksionit respektivisht Inspektorët e Shërbimeve Publike kanë vazhduar aksionin për lirimin e hapësirave publike të cilat shfrytëzohen pa leje përkatëse nga subjektet afariste (kafiteritë).
Ruzhdi Rashiti tha se Inspektorët e Shërbimeve Publike do të jenë në vazhdimësi në teren dhe nuk do të lejojnë shfrytëzimin e hapësirave publike përderisa ato nuk pajisen me leje përkatëse.”Vetëm javën e fundit janë inspektuar mbi 13 kafiteri në qytet dhe atyre u janë konfiskuar tavolina e karriga për shkak se nuk kanë leje për shfrytëzimin e hapësirave publike”tha Rashiti.
Sipas tij ky aksion nuk do të ndalojë sepse parashihet që në tërë qytetin të ketë inspektime dhe vizita. Rashiti tha se madje disa kafiteri edhe e kanë shfrytëzuar hapësirën publike edhe nuk e kanë paguar qiranë,derisa disa të tjera nuk e kanë të lejuar fare që t`i ekspozojnë karriget apo tavolinat ën trotuare dhe në hapësirat publike tha ai./rajonipress/
