Infektimi me COVID-19 mund të rrisë rrezikun e diabetit të tipit 2 dhe sëmundjeve kardiovaskulare

Me kalimin e kohës, po publikohen më shumë studime në lidhje me ndikimin afatgjatë të COVID-19 në trup.

Krahas coronavirus-it të gjatë, shkencëtarët po shqyrtojnë gjithashtu nëse virusi mund të rrisë rrezikun e dikujt për të zhvilluar sëmundje të tjera.

Studimet e fundit sugjerojnë se COVID-19 mund të rrisë rrezikun e diabetit të tipit 2 dhe sëmundjeve kardiovaskulare. Kjo ka ngritur shqetësime në mesin e shkencëtarëve të shqetësuar për një rritje të ardhshme të numrit të pacientëve.

Hulumtimi – i kryer nga King’s College në Londër, zbuloi se gjasat e një pacienti për të zhvilluar diabetin u rritën në tre muajt pas infeksionit me rrezikun për t’u kthyer në normalitet pas 23 javësh.

Përfundimet nga hulumtimi u arritën pas analizës së të dhënave mjekësore të më shumë se 428 mijë pacientëve me COVID-19.

Pikërisht në këtë grup u zbulua se kishte 81 për qind më shumë raste të diabetit të diagnostikuar në katër javët e para pas COVID-19. Rreziku mbeti mesatarisht në 27 për qind për 12 javë. Megjithëse rreziku i zhvillimit të diabetit të tipit dy zgjati vetëm për tre muaj, studiuesit thanë se mjekët duhet të ushtronin “vigjilencë” pasi një pacient u kap me coronavirus.

Profesori i Fondacionit Britanik të Zemrës Ajay Shah tha se gjetjet do të ishin “jashtëzakonisht të vlefshme për mjekët që menaxhojnë miliona njerëz që kanë pasur COVID-19”. Profesor Shah shtoi: “Është e qartë se vigjilencë e veçantë kërkohet për të paktën tre muajt e parë pas COVID-19”.

Ndërsa kjo tingëllon shqetësuese, shkencëtarët thanë se nuk kishte prova për një rritje të rrezikut afatgjatë të gjendjes. /Telegrafi/