Ikja ilegale në perëndim ishte fatale për familjen 3 anëtarëshe Beqaj

Familja 3 anëtarëshe Beqaj nga Davidofci i Shtimes është nisur të kalojë ilegalisht nga Subovica e Vojvodinës për në Hungari, prej ku është dashur të marrin rrugë drejt Francës.

Por rruga e tyre drejt të “ardhmes” më të mirë, u ndërpre nga aksidenti afër Romës ku humbi jetën Edona 22 vjeçare derisa bashkëshorti Agroni mbeti në koma.

Fëmija i tyre 10 muajsh Blinardi ka shpëtuar pa asnjë lëndim dhe është dërguar në një strehimore italianit për tu kthyer më pas në Kosovë,shkruan Koha Ditore.

Sipas familjarëve, ata ishin duke udhëtuar me automjetin e një shqiptari nga Prizreni për të cilin thonë se quhet Kujtim Martinaj dhe se është nga rrethina e Prizrenit.

Të ndjerit, janë nisur me 1 mijë euro në xhep, të cilat anëtarët e familjes së tyre në Kosovës thonë se mezi i ka siguruar./express/