Transferimi i Zlatan Ibrahimovicit te skuadra franceze PSG, ka ngritur në këmbë politikën franceze. Parlamenti, ministrat dhe zyrtarët e lartë të Francës kanë komentuar ardhjen e Ibrës te PSG, si një situatë alarmante për politikën dhe shtetin francez.
”Kur tërë bota mundohet të shmangë krizën, ne tani po e thellojnë krizën. Është çmenduri kjo që po bën PSG”deklaroi ministri i buxhetit të Francës.
”Astronomike dhe e paarsyeshme. Është situatë kaotike e cila duhet të ndryshohet” deklaroi minitri i sportit në Francë. Mediat franceze kanë publikuar lajmin ku del se paga e Zlatan Ibrahimovicit te PSG është 90 herë më e lartë se ajo e presidentit të Francës Francois Hollande.
Presidenti Hollande paguhet në vit 178.920 euro ndërsa Ibra do të fitojë në vit 16 milion euro bruto, që i bije se do të fitoj 90 herë më shumë se presidenti i Francës./indeksonline/
