I vërtetohet dënimi kosovarit: 16 vjet për tregti me drogë

Këtë dënim, që ia kishte dhënë Gjykata Penale Federale, e ka vërtetuar sot Gjykata Federale, si shkalla më e lartë gjyqësisë së Zvicrës.

Me 16 vjet burg, një shqiptar nga Kosova, i dënuar si bos i drogës, është njëri ndër njerëzit me dënimet më të rënda të shqiptuara viteve të fundit në Zvicër për tregti me drogë.

Këtë dënim, që atij ia kishte dhënë vitin e kaluar Gjykata Penale Federale, e ka vërtetuar sot Gjykata Federale, si shkalla më e lartë gjyqësisë së Zvicrës. Ajo e ka bëtë plotfuqishëm të mërkurën dënimin e mëparshëm: 16 vjet heqje lirie.

Kosovari po mbahej në një burg të Lozanës që nga viti 2003. Ai kishte qenë kreu i njërës ndër bandat më të mëdha të drogës nga Evropa lindore. Banda kishte kontrabanduar kryesisht heroinë, ndërsa shuma e përgjithshme e drogës së tregtuar vlerësohej në mbi 297 kilogramë.

Në tetorin e vitit të kaluar, Gjykata Penale Federale në Bellinzonë e kishte shpallur atë fajtor për bashkëpjesëmarrjen e tij në një organizatë kriminale. Veç kësaj atij i ngarkohej edhe shkelja e ligjit mbi lëndët narkotike.

Në bazë të një procesi të mëhershëm, të zhvilluar në vitin 2008, babai i kosovarit ishte liruar nga akuza për bashkëpjesëmarrje. Ndërsa vëllai i vogël i të parit qe dënuar me heqje lirie dy vjeçare, me kusht për pjesëmarrje në një organizatë kriminale.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).