Prishtinë – Një qytetar ishte vrarë në Stacionin e Policisë në Pejë nga një polic në kohën kur komandant i Policisë së rajonit të Pejës ishte Shaban Shala.
Për këtë arsye ai ishte shkarkuar të nesërmen nga kjo detyrë. Por, gjashtë vjet pas vrasjes së qytetarit Besnik Kastrati nga polici i Njësisë speciale operative, ROSU, Albert Markaj, Shaban Shala është kthyer sërish në pozitën që kishte në atë kohë.
Shala prej 4 qershorit është emëruar drejtor rajonal i Policisë në Pejë me vendim të drejtorit të përgjithshëm të Policisë së Kosovës, Shpend Maxhuni.
Ai është emëruar në këtë pozitë pas shkarkimit të Ahmet Hasit për shkak të vjedhjes së 25 kilogramëve ari në dhomën e dëshmive në Pejë.
