I pari i Gjilanit ndanë qaste me fëmijët e rasteve sociale

Gjilan – Kreu i Komunës Qemajl Mustafa u ka shpërndarë dhurata fëmijëve në dy banesat e ndërtuara për familjet skamnore dhe rastet sociale. Ky përkushtim i yni tregon gatishmërinë e institucioneve komunale për të ndihmuar të gjitha familjet dhe fëmijët barabarësisht tha Mustafa.

Kreu i Gjilanit Qemajl Mustafa i shoqëruar edhe nga Xhemajl Salihu, Sami Ahmeti e Ibrahim Salihu kanë shpërndarë dhurata në dy banesat sociale ku janë të vendosura familjet skamnore , veteranët dhe invalidët e luftës.

Mustafa ka përshëndetur fëmijët e këtyre dy banesave dhe u ka shpërndarë dhurata për këtë fundvit.”Ndihem mirë kur jam në mesin e këtyre fëmijëve dhe të këtyre familjeve. Këta fëmijë nuk do ta harrojnë këtë ditë sikur as unë sepse po ndajë momente gëzimi me ta”tha Mustafa.

Mustafa tha se janë mbi 700 dhurata që do të shpërndahen tek fëmijët me nevojë dhe fëmijët e merituar.”Fëmijët nuk do të ndjehen vetëm sepse ata janë e ardhmja jonë dhe e ardhmja e këtij vendi. Ky përkushtim imi dhe i institucioneve komunale tregon gatishmërinë e institucioneve komunale për të ndihmuar të gjitha familjet dhe fëmijët njësoj. Ne dhurata do të shpërndajmë edhe në fshatrat më të larta të brezit kufitarë sepse edhe ata për pak qaste do të ndihen rehatshëm” tha Mustafa.

Avdil Ibishi përfaqësues i familjeve të këtyre dy banesave sociale tha se kjo ditë pos që është e veçantë për fëmijët është e veçantë edhe për ne prindërit.”Kur kujdeset i pari i Komunës për fëmijët tanë atëherë edhe ne jemi të obliguar dhe borxhli që t`i mirëmbajmë këto banesa e këtë vend që tash e pesë vite po e shfrytëzojmë” tha me emocione Ibishi. /rajonipress/

Shpërndaje.
© RAJONIPRESS