I jepet lamtumira e fundit Fatbardh Latifit

Gjilan – Fatbardh Latifi violinist i njohur nga Zhegra është mbytur në ujërat e lumit Connecticut në SHBA. Zhegranët dhe shumë qytetar nga e mbarë Kosova i dhanë lamtumirën e fundit në vendlindjen e tij në Zhegër.

Të dielën në varrezat e fshatit Zhegër është varrosur violinisti i njohur Fatbardh Latifi i mbytur fundjavën që shkojë ( 2 shtator ) në ujërat e lumit Connecticut.

Fatbardh Latifit i janë bërë nderimet më të larta nga shumë qytetarë e artdashës nga e mbarë Kosova. Familja Latifi ndiente dhimbje të dyfishtë meqë në ceremoninë e varrimit nuk ishin asnjëri nga prindërit për shkak se nuk e kishin të rregulluar statusin e qëndrimit në Kanada.

Zhegranët kanë folur fjalë miradije për Fatbardh Latifin 33 vjeçar i cili ishte mbytur në ujërat e liqenit , pasi që kishte kërcyer për të shpëtuar një grua amerikane, e cila po mbytej.

Latifi dhe tre të tjerë kishin kërcyer nga barka kur panë një grua që ishte në vështirësi, por fatkeqësisht Fatbardhi është mbytur gjatë tentimit për të shpëtuar viktimën.

Gjesti heroik dhe human që ka treguar në ato momente Fatbardh Latifi i ka bërë edhe më krenar familjen , miqtë dhe të gjithë ata që e kanë njohur u tha në ceremoninë e varrimit ./rajonipress/