I falet dënimi lojtarit të “Dritës”, Vllaznim Jasharit

Gjilan – Në kuvendin e punës të Federatës së Futbollit të Kosovës, ku ishin të pranishëm delegatet e klubeve, ka marr pjesë edhe nënkryetari i Bordit të Klubit Futbollistik “Drita” nga Gjilani njëkohësisht edhe delegat Besim Ismaili.

Kuvendari i KF “Drita”, Besim Ismaili ka propozuar para delegatëve që të falet dënimi i lojtarit Vllaznim Jashari.Sipas tij Jashari shumicën e dënimit e ka kryer dhe i kanë mbetur edhe disa muaj.Propozimi është hedh në votim dhe është falë dënimi i cili para një viti ishte dënuar me 18 muaj sa ishte pjesë e Gjilanit.

Nënkryetari i bordit tha se jam i kënaqur që u mor parasysh nga kuvendaret kërkesa e Dritës dhe pendimi i lojtarit tonë, dhe që llogarisim në këmbëshpejtin Vllaznim Jashari në ndeshjen e radhës ndaj Ferizait që do të zhvillohet në Gjilan./rajonipress/