I ati i Elvanës, rrëfen sakrificën

Fatmiri, i ati i këngëtares Elvana Gjata, rreth 25 vite ka shërbyer në të gjitha nivelet e Forcave të Armatosura Shqiptare.

Ka qenë familje ushtaraku në breza, por kjo nuk e ka penguar që të mirëkuptojë e mbështesë vajzën e tij.

Për mediat shqiptare ai ka rrëfyer se si ka bërë menaxherin e Elvanës për 10 vite, deri kur për pak sa nuk preku vdekjen.
Ka qenë e vështirë për te, një oficer i lidhur me detyra të sforcuara , me repartet e largëta, ta mbështesë të bijën gjatë debutimeve në skenë.

“Ka qenë tmerrësisht e vështirë, sidomos po të kemi parasysh periudhën e tranzicionit në të cilën duhej të kultivohej si këngëtare. Ka qënë e vështirë pikësëpari në aspektin psikologjik, ku më është dashur të kapërceja mbi veten e ta bëja shoqe. Sakaq, duhej ta shoqëroja edhe hap pas hapi. Kjo veçanërisht në fillimet e saj. Më është dashur më tej të bëj si të thuash, menaxherin, ta ndjek nëpër koncerte sa brenda vendit, aq edhe jashtë,” ka thene ai per “Panorama”.

Plot 10 vite e ka shoqëruar pa ndërprerë Elvanën në të gjitha koncertet e zhvilluara në Kosovë e Maqedoni, por edhe në Zvicër, Gjermani, Holandë, Danimarkë etj. Ka qëlluar që me makinën e tij të bëj edhe 1000 kilometra në ditë për të kapur oraret e planifikuara. Ka ndodhur të udhëtojë pa ndërprerë edhe 72 orë rresht.
Por qysh nga viti i kaluar kur u përballë me një goditje të rëndë kardiake në zemër, ai nuk e shoqëron më të bijën si menaxher i saj.

Shpërndaje.
© RAJONIPRESS