I asgjësoi UNMIK-u

Misioni i Kombeve të Bashkuara, UNMIK-u, “varrosi” të vërtetat për vrasjet e pasluftës.

Një burim i gazetës “Kosova Sot”, ka dëshmuar se dosjet e krimeve me motive politike janë asgjësuar nga UNMIK-u, NDËRMJET VITEVE 2006-2007.

Sipas një dëshmitari deri vonë, ish-gjyqtari në Gjykatën Supreme, në kohën që kjo e fundit drejtohej nga Rexhep Haxhimusa, një pjesë e dosjeve, në qendër të të cilave ishin krimet politike janë asgjësuar nga misioni i UNMIK-ut, nëpërmjet një letër-prerëse, që ndodhej në anën e majtë të katit përdhes të Gjykatës Supreme.

Ish-kryeprokurori i vendit, Hilmi Zhitia, ka rrëfyer se nuk ka pasur kompetenca që ta kontrollojë UNMIK-un, madje pohon se nuk e dinte as me çfarë lëndësh merreshin dhe as sa punonjës ishin.

Në vitin 2007, Zhitia pohon se ka kërkuar ndihmën e shtetit për ndërhyrjen e Shërbimit Informativ, por kjo kërkesë i është refuzuar, ndërkohë që në lëvizje ishin shërbimet informative të partive politike, edhe pse nuk ishin zyrtare.