Gjilan – Kryetari i Komunës së Gjilanit, Alban Hyseni, ka nënshkruar sot marrëveshje bashkëpunimi me OJQ “VORAE”, e cila ka për synim mbështetjen institucionale, financimin dhe menaxhimin e qendrës mësimore, me synimin për përfshirjen e fëmijëve nga komuniteti, rom, ashkali dhe egjiptian në arsimin e rregullt.
“Për herë të parë përmes kësaj marrëveshjeje, Komuna e Gjilanit do të fillojë ofrimin e kurseve të gjuhës shqipe për fëmijët të cilët vijojnë qendrën mësimore në bashkëpunim me organizatën e lartpërmendur, me qëllim të integrimit të tyre në shoqëri në komunën e Gjilanit e më gjerë”, është shprehur Hyseni./rajonipress/
