Hyseni: Krijuam vetëm 713 mijë euro obligime, derisa paguam mbi 9 milionë euro borxhe të qeverisjes së kaluar

Gjilan – Rezultate dhe punë të mëdha e të rëndësishme janë realizuar nga Drejtoria për Kadastër, Gjeodezi dhe Pronë. Po ashtu është rritur edhe kualiteti në ofrimin e shërbimeve për qytetarët, tha kryetari i Komunës së Gjilanit Alban Hyseni.

I pari i Gjilanit, tregoi për projektet kryesore që janë, hartimi i elaboratit për shpronësim të qarkores së jashtme të qytetit për lotin IV dhe V dhe të qarkores së vjetër të qytetit. Ky projekt që për çerek dekade nuk e kanë rregulluar padrejtësinë që i është bërë qytetarëve të cilëve i ishte marr prona e nuk i ishte kompensuar.

“Hartimi i elaboratit dhe dorëzimi i projektit në ministri për shpronësimin e çerdhes së Integjit që është miratuar në Qeverinë ë Kosovës, ku 10 ari tokë do ti blejmë dhe po ashtu edhe parcelën me sipërfaqe prej 11 hektarë, 24 ari e 01 m² në Dobërçan”, tha Alban Hyseni.

Kryetari i komunës, tregoi se plotësimi i elaboratit të shpronësimit për rrjetin e kanalizimit për nevojat e projektit të impiantit të ujerave të zeza, Uglar.

Për projektin shtrirja e rrjetit të kanalizimit dhe vendosja e pusetave për nevoja të projektit kryesor impianti i ujërave të zeza në Uglar, vendime përfundimtare për shpronësime janë 15 në Malishevë, 28 në Livoç i Ulët, 39 në Gjilan, 9 në Uglar dhe 65 vendime për në Velekincë.

Ai tregoi edhe për 10 vendime përfundimtare për shpronësim për nevoja të projektit zgjerimi i rrugës “Hamdi Kurteshi” në Gjilan.

Kryetari përmendi edhe vendimin për shpalljen e interesit publik në pronën e AKP-së në Malishevë, atë për caktimin e lokacionit për groposjen e shtazëve të ngordhura në Stublinë, vendimi mbi shpalljen e interesit publik në pronën e AKP-së në Dobërçan për nevoja të Fushës së futbollit.

Vendimi për caktimin e lokacionit për varrezat e reja të qytetit në Shillovë, pronë e Ekonomisë së Pyjeve. Ai për shpalljen e interesit publik në pronën private për nevoja të Sallës së Sporteve të Sh.F.”Nazim Hikmet “- Dobërçan. Vendimi mbi shpalljen e interesit publik në pronat private për nevoja të Çerdhes së Fëmijëve dhe Sallës së Sporteve të Sh.F.” Vatra e Diturisë” në Livoç i Epërm.

I pari i komunës përmendi situacionin gjeodezik i terrenit dhe paraqitja 3D e objektit të Kalasë së Pogragjës për hartim të projektit.

Ai për lokacionin e varrezave të reja të qytetit me sipërfaqe mbi 20 hektar. Situacioni gjeodezik për parcelën mbi 45 hektar, e cila tashmë është në proces të këmbimit me FSK-në. Caktimi i lokacionit për ndërtimin e Qendrës Rajonale për Patentë Shofer, si dhe situacionin gjeodezik për hartimin e projektit.
Kryetari i Komunës, tregoi edhe krahasimet e qeverisjes së tij me atë të kaluarën.

“Nga viti 2022-2024 pra për tri vjet kemi krijuar vetëm 713 mijë e 440 euro obligime, të cilat ishin esencialisht të nevojshme për realizimin e projekteve, derisa për ato tre vjet kemi paguar 9 milionë e 890 mijë e 274 euro borxhe”, tha Alban Hyseni.

I pari i Komunës së Gjilanit, theksoi se në qeverisjen e kaluar nga vit 2017- 2021 obligime të krijuara ishin 13 milionë e 314 mijë e 95 euro, derisa për ato pesë vjet ishin paguar vetëm 4 milionë e 698 mijë e 673 euro. /rajonipress/