Hyseni ka pritur drejtorin e ri të OSBE-së, Igli Totozani

Gjilan – Kryetari i Komunës se Gjilanit, Alban Hyseni, ka pritur në takim njoftues drejtorin e ri të Organizatës së Sigurisë dhe Bashkëpunimit në Evropë (OSBE), Igli Totozani.

Në këtë takim u bisedua për marrëdhëniet dhe thellim të mëtutjeshëm bashkëpunimi mes Komunës së Gjilanit dhe OSBE-së.

Pas marrjes së detyrës së re, Totozani ka shprehur gatishmërinë për mbështetje për Komunën e Gjilanit.

Ndërsa, Hyseni u shpreh falënderues për bashkëpunim dhe mbështetje./rajonipress/