Humbës dhe krenarë

E kanë humbur Malishevën e ka gjasa ta humbin edhe Gjilanin e Vitinë. Pavarësisht kësaj, drejtues të Partisë Demokratike të Kosovës, e konsiderojnë të suksesshëm rezultatin e fituar nga zgjedhjet lokale të 3 nëntorit.

Ata mburren se vazhdojnë të jenë partia e parë në vend me mbi 10 mijë vota diferencë nga partia ndjekëse, LDK. Zëdhënësi i Partisë Demokratike të Kosovës, Blerand Stavileci, ka thënë se PDK është fituese në këto zgjedhje dhe se PDK në nivel vendi prin në shumicën e komunave si dhe ka rritje të votave krahasuar me zgjedhjet e kaluara.

Sipas Stavilecit, kjo parti ka rritje të votave në të gjitha nivelet.

“Po ashtu PDK është në balotazh në numrin më të madh të komunave”, ka thënë Stavileci, duke shtuar se kjo vërteton se PDK është partia më madhe në vend. Ndërsa, ai mohon që përçarjet që kanë ndodhur në degët e kësaj partie në Gjilan, Viti dhe Malishevë, të kenë ndikuar në rënie të votave në këto komuna…(Tribuna).