Gjilan – Të martën në ambientet e Universitetit “Kadri Zeka” në Gjilan nga ana e stafit akademik dhe studentëve të drejtimit juridik është prezantuar hulumtimi në lidhje me “Besueshmërinë dhe kënaqshmërinë e punës së Policisë së Kosovës” në Rajonin e Gjilanit.
Në prezantim përveç stafit akademik, morën pjesë edhe eprorë të lartë të Policisë së Kosovës nga Rajoni i Gjilanit, përfaqësues nga Komuna e Gjilanit, Eprorë të lartë të Forcës së Sigurisë së Kosovës, student dhe pjesëtarë të shoqërisë civile.
Ky hulumtim është bazuar në “Strategjinë e integruar e policimit të drejtuar nga Inteligjenca dhe Policimit në bashkësi 2021-2025”.
Hulumtim shkencor i organizuar nga një institucion i edukimit universitar u vlerësuar shumë i suksesshëm dhe kredibil.
Besueshmëria e hulumtimit ka rezultuar nga mostrat e marrura nga një numër i madh i respodentëve të gjinive, moshave, etniteteve dhe kategorive të ndryshme të shoqërisë nga zona rurale dhe urbane.
Të dhënat nga ky hulumtim në mënyrë të detajuar do të publikohen së shpejti në faqen zyrtare të Universitetit “Kadri Zeka” në Gjilan.
Policia e Kosovës, Drejtoria Rajonale e Policisë Gjilan është e përkushtuar për krijim të një ambienti të qetë dhe të sigurte për të gjithë qytetarët ka njoftuar Ismet Hashani./rajonipress/
